во ,

Печатни грешки, непристојни зборови – Најчудните тетоважи на славните

Славните често ги украсуваат нивните тела со тетоважи. Повеќето имаат истетовирано вистински ремек-дела, но голем број прават и навистина чудни тетоважи.

Во продолжение погледнете ги најчудните тетоважи што си ги направиле славните:

Рајан Гослинг се обидел сам да си направи тетоважа и сакал да нацрта канџа од чудовиште. Очигледно, брзо сфатил дека тетовирањето воопшто не е лесно, па дури и самиот изјави дека тетоважата повеќе му личи на кактус.

Околу три години после скандалот со Ријана, Крис Браун направи тетоважа на вратот на која е прикажано женско лице. Многумина сметаат дека тетоважата е контроверзна, па дури и се убедени дека тоа е лицето со модринки на Ријана. Пејачот тврди дека на тетоважата всушност има череп.

Ако ве интересираат мемињата, сигурно сте го виделе она со Џеки Чен и неговиот збунет израз. Раперот T-Pain решил да го истетовира токму тоа.

Аријана Гранде сакаше да направи тетоважа во чест на нејзината песна 7 Rings, и тоа со јапонски симболи. Но штом се пофали на интернет, фановите веднаш ѝ кажаа дека симболите не се насловот на песната, туку во превод значат „мала скара“. Аријана се обиде да ја поправи тетоважата, но оние кои разбираат јапонски велат дека повторно може да се преведе како „скара“.

Кендал Џенер има тетоважа на внатрешниот дел од устата со зборот meow (мјау). Кога првпат ја покажа тетоважа, изјави дека воопшто не размислувала и дека во тој момент можела да се сети само на тој збор.

Никол Ричи сакала да направи тетоважа во чест на нејзиниот хороскопски знак – Девица (Virgo). Но наместо тоа, таа го истетовирала зборот „virgin“ кој исто значи „девица“, но не се однесува на хороскопскиот знак, туку на „невина“ девојка.

 

Џенифер Лоренс сметала дека не пие доволно вода, па на раката си ја истетовирала хемиската формула за вода како потсетник. Интересно е што бројот 2 од формулата е поставен над буквите H и O, наместо на долниот дел.

Кара Делевињ го има истетовирано зборот Bacon (сланина), а нејзиното објаснување беше дека „душата ѝ била завиткана во сланина“. Веројатно ова е нејзината омилена храна.

Аманда Сејфрид си го истетовирала зборот Minge на стапалото. Овој збор е неучтив израз за женски полов орган, а актерката го истетовирала бидејќи на сетот на Mamma Mia!, колегата Колин Фирт го кажувал цело време.

Напишете коментар

Вашата адреса за е-пошта нема да биде објавена.

8 Работи кои некогаш е подобро да ги купите на старо

Каков газда, таков миленик – кучињата попримаат особини од сопственикот