Позлатени автомобили, роботски трки со камили и „банкомати“ за злато – во Дубаи можете да ги најдете најлудите работи кои чинат цело богатство.
За повеќето, Дубаи е дестинација која асоцира на луксуз и раскош, и тоа со многу добра причина.
Луксузните хотели, раскошните трговски центри, но и бројните богаташи кои живеат и го посетуваат градот се должни за репутацијата на Дубаи.
Екстремно скапи работи што најверојатно можете да ги видите само во Дубаи:
Автомобили кои можат да се движат и по вода
Автомобилите ги произведува американска компанија која е популарна во Дубаи, а нивната цена се движи од околу 130.000 до 145.000 евра.
Подводни хотели
Луксузните хотели не се ништо ново во Дубаи, а за оние подводните цената е околу 5.800 евра од ноќ.
Роботски трки со камили
Со цел да не се користат деца за трките со камили, сега во Дубаи тркачите се всушност роботи. Цената на тркачка камила може да достигне и 200.000 евра, додека роботите можат да се купат по цена од околу 600 евра.
Трансфер на автомобили со хеликоптер
Најбогатите луѓе во Дубаи честопати користат хеликоптери за транспорт на нивните скапи автомобили. Не е позната цената на оваа услуга, но ако најмите хеликоптер како такси, тоа ќе ве чини околу 150 евра.
Луксузни полициски автомобили
Полицајците во Дубаи возат луксузни автомобили, како Lamborhini, а нивната цена може да достигне и половина милион евра.
Вештачки острови
Препознатливите вештачки острови во Дубаи се екстремно скап проект за кој се одвоени над 12 милијарди евра.
Скијање на затворено
Во Дубаи има трговски центар кој нуди скијање на затворено, а цената за еднодневен билет е околу 80 евра.
Скапи амбулантни возила
Покрај полицијата, и болниците се опремени со луксузни автомобили кои можат да чинат и над 200.000 евра.
Авионски летови за соколи
Чувањето сокол е како статусен симбол за богаташите во Дубаи. Кога сопствениците на овие птици треба да ги пренесат некаде, тие не ги затвораат во кафези во авионот и за ова плаќаат од 50.000 до околу 100.000 евра.
Дијамантски автомобили
Веќе е јасно дека богаташите сакаат да ја покажат својата моќ на секој можен начин, а овде спаѓаат и дијамантските автомобил. Еден богаташ има дијамантски Mercedes за кој наводно платил скоро 5 милиони евра.
„Банкомати“ за злато
Од овие автомати можете да си купите разни предмети изработени од 24-каратно злато, како парички и плочки. Цената на овие предмети варира во зависност од нивната тежина.
Позлатени автомобили
Покрај дијамантските, низ Дубаи можете да видите и позлатени автомобили. Еден од попознатите вакви автомобили е Jeep Grand Cherokee чија цена се проценува на половина милион евра.
Тениски терени на облакодери
Речиси на врвот на Бурџ Халифа, се наоѓа највисокото тениско игралиште. За да го користите, треба да отседнувате во хотелот каде една ноќ може да чини и до 30.000 евра.
Златни десерти
Во луксузните ресторани во Дубаи можете да најдете и десерти кои содржат вистинско злато. Во просек, цената на овие десерти е околу 1.000 евра.
Третмани за лице со злато
Покрај другите златни работи, во Дубаи можете да направите третман за лице со злато кој ќе ве чини над 6.500 евра. Секако, во цената се вклучени и други услуги кои наводно нудат целосна релаксација.
