1. „Премногу е топло за да го оставите ова кученце во автомобилот, па неговиот сопственик го зеде со себе додека беше во продавницата“.

2. Се гледа љубовта во нејзините очи.

3. „Дојди на нашата свадба“.

4. „Џакс има 13 години, не може повеќе да оди, но се нервира ако не го прошетаме, па го качувам во количката!“

5. „Мојот пријател НЕ сакаше мачка. Ова е тој – гледа видеа со мачки со мачката“.

6. „Снекс е навистина срамежлив, но сепак сака да се поздрави!“

7. „Нашите животни секогаш се гушкаат кога играме видео игри“.

8. „Го посвоивме од засолниште. Прва ноќ дома. Најсреќната фотографија од посвојување досега!“

9. “О, ќе јадеме коса!”

10. „Во моментот кога моето посвоено куче конечно му дозволи на мојот вереник да го прегрне. Беа потребни повеќе од 2 години“.

11. „Стар телевизор претворен во кревет за мачки за роденден на мојата мачка“.

12. „Сакам да му давам на мојот гуштер добри примери“.

13. „Мојата мачка дреме на каучот што го направив за неа“.

14. „Кога ќе се вратам од работа, тој се обидува да се погрижи никогаш повеќе да не го оставам“.

15. „Чест ми е да го набљудувам односот помеѓу мојот сопруг и мачката“.

16. „Селфи со творови. Не одеше според планираното“.

17. „Откако беше направена оваа слика, тетка го отвори џемперот и кучето влезе внатре“.

18. „Вистинска љубов“.

19. „Ајде да го живееме нашиот најдобар живот!“

20. Денес беше ден за фотографирање во дневен престој за кучиња. Таа изгледа како: “Посакувам да сте тука!”

Видеото станало вирално собирајќи 75,2 милиони прегледи и речиси 7 милиони лајкови.

Целото шоу го украла алпаката која последна скокнала и покажала колку добро го прави тоа и така ги воодушевила корисниците на ТикТок.

„Ова многу ме насмеа“, „Се прави важна“, „Оваа последната како да вели: Гледај што можам јас“, се само некои од коментарите на тиктокерите.

Сопственичката на лабрадор ретривер, Ким Курк го почувствувала тоа на своја кожа.

Имено, таа го оставила своето куче само два часа во станот. Меѓутоа, кога се вратила, имала што да види.

Кучето успеало да ги грабне парите кои биле на масата. Изело и искинало повеќе од 2.000 долари, а сопственичката заплакала кога видела каков неред направило кучето.

Видеото собрало преку 22 милиони прегледи на ТикТок, а Ким подоцна објаснила дека таа и нејзиниот сопруг прават сè што можат и ќе се обидат да ги заменат парите во банка.

1. Запознајте ја рибата дух – мала длабокоморска риба со проѕирнa глава. Изгледа неверојатно!

2. Чапјата со глава на кит е птица која изгледа прилично харизматично благодарение на големиот клун во форма на чевли.

3. Расата на коњи наречена Appaloosa е многу популарна во САД. Оваа раса е ценета поради нејзините хипнотизирачки обрасци на бои што ја поттикнуваат имагинацијата.

4. Дали некогаш сте виделе кагуан? Ова слатко суштество изгледа пријателски, нели?

5. Крунаните мувојади можат да се пофалат со шарени гребени кои навистина ги издвојуваат.

6. Дали се ова цветни пупки или печурки? Запознајте ја Umbonia spinosa: бубачки во облик на трн кои изгледаат како вонземјани!

7. Овој тип на мравки се доста опасни суштества. Куката на нивниот грб може да го пресече и држи непријателот.

8. Какво е ова суштество со комичен изглед со луди очи? Тоа е ракче богомолка, едно од најживописните суштества во океанот.

9. Бојата на оваа риба е неверојатна!

10. Црвеното лице е карактеристика на ќелавоглавите вакарити, мајмуни со уникатен изглед.

11. Долговечната жирафа го добила своето име благодарение на долгиот врат.

12. Ќебето октопод е вистинско ремек дело на природата. Погледнете го само неговото шарено „ќебе“ со љубопитни дезени!

13. Не плашете се, тоа е само розово магично армадило. Слатко е ако погледнете внимателно!

14. Овој црн гуштер изгледа надреално!

15. Риба со црвени усни би можела да се најде во реклама за кармин! Изгледа прекрасно!

Денес постојат безброј видеа на кои гледаме како луѓе комуницираат и имаат интеракција со секакви животни. Поради ова, некогаш нивниот изглед нè лаже и сметаме дека се безопасни.

Но, постојат многу животи кои, без разлика колку слатко и мило ни изгледаат, можат да ни предизвикаат повреди кои некогаш се и фатални.

Кои навидум мирни животни се всушност многу опасни?

Клунар

Клунарите се можеби најнеобичните суштества во животинскиот свет и изгледаат како склоп на неколку различни животни. Тие се цицачи и нивното тело е покриено со крзно, но имаат и клун, како и нозе што наликуваат на перки.

Иако изгледаат навистина слатко, овие животни можат да бидат навистина опасни.

Клунарите се едни од ретките цицачи кои имаат отров. Мажјаците имаат еден вид канџи на нивните задни нозе кои се поврзани со жлезда која лачи отров.

Експертите забележале дека жлездата лачи повеќе отров во сезоната за парење, па претпоставуваат дека овој дел од телото им служи за одбрана од други мажјаци.

Иако овој отров не е смртоносен за луѓето, може да предизвика големи отоци и неподнослива болка.

Елен

Елените се прекрасни животни и генерално не се агресивни. Но, тие можат да бидат многу опасни благодарение на нивните раскошни рогови.

Исто така, тие можат да ви предизвикаат сериозни повреди ако ве удрат со нозете.

Елените можат да нападнат ако се исплашени, провоцирани или ако сметаат дека нивните малечки се во опасност.

Видра

Видрите се интересни животни и ако сте погледнале само едно видео со нив, знаете дека можат да бидат многу забавни. Тие сакаат да скокаат и да си играат, што ги прави уште послатки.

Но сепак, видрите се диви, месојадни животни кои можат да нападнат ако се чувствуваат загрозено, па не е препорачливо да ги задевате.

Иако се мали, видрите имаат силно тело, како и остри заби и канџи со кои можат да ви нанесат сериозни повреди.

Кенгур

Кенгурите можеби нема да ве нападнат сами од себе, но ако им се приближите, особено на единки кои не се навикнати на луѓе, ќе се ставите во сериозна опасност.

Неретко, нивните напади можат да бидат фатални.

Кенгурите се особено опасни во неколку ситуации – ако е сезона на парење, доминантните мажјаци можат да ги перципираат луѓето како закана и да ги нападнат.

Женките, пак, се многу заштитнички настроени кон нивните малечки и без двоумење ќе нападнат човек ако им се приближи.

Кенгурите се големи и многу силни животни, па нивниот удар може дури и да скрши коски. Тие имаат и канџи со кои можат да нанесат сериозни повреди.

Ракун

Ракуните се срамежливи и обично бегаат кога ќе видат луѓе. Сепак, како повеќето диви животни, можат да нападнат ако сметаат дека се во опасност.

Можеби нападот од ракун нема да биде фатален за човек, но нивните канџи и заби можат да нанесат сериозни повреди.

Истовремено, ракуните се преносители на опасни болести, како беснило, кои можат да создадат дополнителни проблеми.

Па, немојте никако да им е приближувате на слатките ракуни, дури и ако изгледаат пријателски настроени.

Мрзливец

Мрзливците изгледаат како најбезопасните животни, но ни тие нема да се двоумат дали да ве нападнат ако ги провоцирате или исплашите.

Мрзливците напаѓаат со нивните огромни канџи кои можат да предизвикаат сериозни повреди. Кога се во опаност, знаат да ги искористат и нивните заби.

Слично како ракуните, и овие животни се преносители на болести кои се опасни за луѓето.

Дабар

Со мекото крзно и уникатните опашки, дабарите се едни од најслатките животни.

По природа се мирни и нема да ве нападнат ако не ги задевате. Но, ако почувствуваат опасност, нормално дека ќе се бранат.

Дабарите имаат многу остри заби со кои можат да нанесат сериозни повреди што лесно можат да се инфицираат. И овие животни се преносители на болести кои се многу опасни за луѓето.

Делфин

Не ги споредувајте дивите делфини со оние кои го поминале животот во заробеништво во водните паркови и се дресирани.

Овие животи се многу интелигентни и затоа се експлоатирани, но во нивното природно живеалиште можат да бидат многу опасни.

Делфините се предатори и можат да покажат агресија без навидум никаква причина – и кон луѓе, и кон други делфини.

Нивното тело е силно и ако сакаат лесно можат да ве одвлечат под вода. Истовремено, ако ве каснат, дефинитивно ќе се соочите со сериозни повреди.

Делфин

Не ги споредувајте дивите делфини со оние кои го поминале животот во заробеништво во водните паркови и се дресирани.

Овие животи се многу интелигентни и затоа се експлоатирани, но во нивното природно живеалиште можат да бидат многу опасни.

Делфините се предатори и можат да покажат агресија без навидум никаква причина – и кон луѓе, и кон други делфини.

Нивното тело е силно и ако сакаат лесно можат да ве одвлечат под вода. Истовремено, ако ве каснат, дефинитивно ќе се соочите со сериозни повреди.

Роман Федорцов е фотограф и рибар од Русија кој најголемиот дел од времето го минува на брод за ловење риба.

Бидејќи Роман и неговиот тим ловат риба од огромни длабочини, во нивната мрежа неретко се заплеткуваат најчудните риби и водни животни кои повеќе изгледаат како суштества од некој хорор-филм.

Факт е дека ние „обичните“ луѓе никогаш би немале можност да ги видиме овие суштества, но Роман ги фотографира сите, а потоа ги споделува на неговиот Инстаграм профил.

Досега тој има над 600.000 следбеници со кои редовно ги споделува бизарните суштества што ги наоѓа во водата.

На сите ни е познато дека околу 70% од земјината површина е прекриена со вода и факт е дека поголемиот дел од морињата и океаните сè уште се недостижни за нас.

Ова значи дека во нивните длабочини се кријат суштества какви што не можеме ни да замислиме.

Во продолжение дел од најчудните суштества што ги нашол рускиот рибар и фотограф:

Пандите се снимени како се спуштаат надолу по снегот, а потоа се тркалаат по него и играат.

Видеото го “лајкнале” повеќе од 1.000 луѓе и пишувале бројни позитивни коментари.

“Обожувам панди на снег”, “Пандите се како големи деца”, “Прекрасно”, “Ова видео ми го поправи денот”, се само некои од коментарите.

Наталија Трпковска е вљубеничка во животните и девојка која преку  здружението „Шепасти Ентузијасти“ се обидува да им помогне на секој можен начин.

Сега, на својот Фејсбук профил таа повторно сподели една убава приказна со среќен крај…

„Одамна немам објавено убава приказна, многу од вас го знаат Mr. Badger за мене беше еден голем предизвик.. Првпат сама хранев и правев формули на бебе старо само неколку дена уште непрогледано…

Мајка му и неговите братчиња биле прегазени со кола само тој останал жив, па така ми го донесоа дома и не ми се веруваше колку е мал, колку една шака.

Се топлевме, се храневме, се галевме и плачевме кога се разделивме.. Сега си е вдомен во Англија и расте и е пресреќен, си има фамилија и си го живее животот најубав.

Јас секогаш ќе го сакам овој брко и секогаш ќе плачам кога ќе се разделувам од нив, но тоа е за нивно добро, секако поубав живот ќе имаат таму, него тука. Те сакам дете мое!“.

Некогаш:

Неретко уличните животни немаат доволно храна, изложени се на насилство и секакви болести, немаат кој да се грижи зa нив, па контролата на нивната популација е најдобриот начин да се избегнат сите овие негативни страни.

Истовремено, стерилизацијата е добра и за мачките и кучињата кои се миленици. Ако, на пример, имате мачка и знаете дека немате услови да се грижите и за нејзините мали мачиња, стерилизацијата е многу подобра опција, отколку малите мачиња да завршат на улица. Дури и ако воопшто не ја пуштате мачката надвор, стерилизацијата е добар избор во случај да ви избега – нешто што и не е така ретка појава.

Иако скоро сите ветеринари ја препорачуваат стерилизацијата, сепак постојат многу митови кои можат да ги одвратат сопствениците од ова намера

Па, погледнете неколку митови за стерилизацијата во кои не би требало да верувате:

Женките мораат да родат барем еднаш

И мачките и кучињата можат да имаат среќен живот без ниту еднаш да родат. Всушност, нема никаков научен доказ дека мачките или кучињата имаат некоја придобивка од бременоста или дека ќе им се случи нешто ако не родат ниту еднаш.

Треба да ги стерилизирате само женките

Некои луѓе веруваат во овој мит бидејќи сметаат дека штом женката е таа што раѓа, логично е да ја стерилизирате само неа. Но ова мислење е погрешно. Додека женките можат да родат 2-3 пати годишно, мажјаците можат да оплодат многу повеќе женки во една година.

Ако, на пример, имате мачор што го пуштате надвор, а не е стерилизиран, тој може да стане „татко“ на десетици мачиња кои ќе останат на улица.

Подобро да ги стерилизирате милениците после првиот „плоден период“

И мачките и кучињата имаат таканаречен плоден период, кога се подготвени за парење. Кај кучињата, во зависност од расата, првиот плоден период се појавува околу шестиот месец, а слично е и кај мачките.

Иако некои луѓе веруваат дека е подобро да го почекате првиот ваков период, па потоа да го стерилизирате миленикот, всушност најдобро е да го направите тоа претходно.

Според експертите, најдобро е да ја стерилизирате мачката/мачорот кога ќе наполни пет месеци. Кај кучињата, најдобро е да го направите тоа кога ќе наполни шест месеци.

Сепак, во овој случај најдобро е да се консултирате со ветеринар, и тоа веднаш откако ќе го вдомите миленикот.

Стерилизацијата ќе го промени карактерот на миленичето

После операцијата, можно е да забележите промени кај миленикот, но овие промени се предизвикани од нивото на хормони. Што значи, нивниот карактер ќе си остане ист.

На пример, кај мажјаците најверојатно ќе се намали потребата да обележуваат територија или да покажуваат доминантност. Неретко сопствениците забележуваат и дека после стерилизација миленикот повеќе сака да се гали и е помирен.

Операцијата е многу ризична

Бидејќи сепак станува збор за операција со анестезија, нормално дека постојат ризици. Но, стерилизацијата на мачки кучиња е доста честа процедура и ако ја направите кај професионалец, не треба да бидете загрижени. Ако се сомневате во што било, разговарајте со ветеринарот кој ќе ви ги објасни сите можни ризици од стерилизацијата.

Миленикот ќе се здебели

Постои верување дека по стерилизација, милениците се здебелуваат. Иако некои истражувања ја поврзуваат стерилизацијата со забавување на метаболизмот, со правилна исхрана и доволно физика активност, вашиот миленик не би требало да има проблеми со тежината.

Но, ако забележите дека миленичето многу се поправило, консултирајте се со ветеринар, бидејќи дебелината е штетна и за животните.

После стерилизација миленикот нема да може да се одбрани или да ве заштити

Како што напоменавме, стерилизацијата ќе го промени нивото на хормони во организмот на миленикот и тој нема да покажува доминантност како претходно. Но, ова не значи дека миленикот ќе го изгуби инстинктот за опасност или дека нема да може да се одбрани и заштити себеси или сопственикот.

Сите мачки и кучиња мораат да бидат стерилизирани

Стерилизацијата на уличните мачки и кучиња е единствениот начин да се намали нивното размножување, а со тоа и нивниот број. Кога станува збор за миленици, одлуката е на сопственикот. Затоа, најдобро е да разговарате со ветеринар кој ќе ви објасни сè за стерилизацијата и ќе ви помогне да одлучите дали тоа е правилно за вашето милениче.