во ,

7 Најбизарните зависности што навистина постојат

Сите имаме слушнато за луѓе кои се зависни од јадење чудни работи како, на пример, земја.

Ова е зависност што би зачудила секого, но изгледа дека не е единствената.

Всушност, необичните зависности се толку чести, што можеби дури и познавате личност која се справува со нешто такво.

Во продолжение погледнете ги најбизарните зависности што навистина постојат:

Чепкање на кожата

Секој од нас си ја допира кожата на лицето или на дланките, но некои луѓе одат до екстреми.

Оние кои се зависни од чепкање на кожата неретко си прават рани и трајна штета на кожата и нервните завршетоци.

Најчесто зависноста ја тера личноста да отстранува нешто од кожата што ѝ изгледа како дамка. Во екстремните случаи, луѓето можат да си создадат и проблеми со социјализација бидејќи си прават отворени рани.

Зависност од солариум

Речиси сите сакаме да се сончаме во лето, но некои луѓе се зависни од темниот тен. Неретко, луѓето кои одат во солариум 1-2 пати неделно покажуваат знаци на зависност. Проблемот е што посетата на солариумот не е поради некој стандард за убавина.

Наводно, УВ зраците од солариумот го зголемуваат чувството на среќа и задоволство, па оттаму желбата за потемнување, односно одење во солариум.

Иако УВ зраците се поврзуваат со зголемен ризик од рак на кожата, токму тие ни го подобруваат расположението во лето.

Зависност од диети

Постојаното држење диети може да ви предизвика сериозен проблем – зависност од диети.

Здравата диета резултира со побавно и постепено слабеење. Ова значи дека краткотрајните диети не се ефикасни, а изгледа можат да предизвикаат и зависност.

Држењето диета може да предизвика хемиска промена во телото што ќе ја натера личноста да ја држи диетата подолго од потребното. Ова, се разбира, ќе води до нездраво слабеење.

Социјалниот притисок за слабо тело речиси сигурно има влијание врз оваа зависност.

Зависност од видео игри

Видео игрите се обвинувани за многу нешта, но додека повеќето обвиненија не се засновани, зависноста од видео игри сепак постои.

Всушност, во некои држави зависноста од игри е толку голем проблем, што постојат посебни центри за рехабилитација.

Оваа зависност е опишана како опсесивно-компулсивна активност и настанува кога игрите и виртуелниот живот стануваат поинтересни од реалноста.

За срамежливите деца кои се малтретирани од своите врсници лесно е да се изгубат во виртуелниот свет, бидејќи им нуди лесен „излез“. Но, со текот на времето, зависноста ќе почне да влијае врз нивниот социјален живот, успех и слично.

Зависност од секс

Зависноста од секс не значи дека личноста постојано има секс. Понекогаш, зависноста се карактеризира со постојани сексуални мисли или постојано гледање порнографски филмови.

Кога личноста станува опседната со секс, тоа се одразува на нејзините врски со другите но и сите аспекти од нејзиниот живот.

Денес постојат и програми за зависници од секс кои наликуваат на оние за одвикнување од алкохол.

Цицање на палецот

Оваа појава е честа кај бебињата, но што ако навиката остане и подоцна во животот?

Цицањето на палецот е како утеха за бебињата, па кога некој се чувствува анксиозно или иритирано, може да ѝ се врати на оваа навика.

Некои луѓе велат дека цицањето на палецот всушност ги смирува.

Зависност од храна

Зависноста од храна е малку неистражена област. Сепак, некои истражувања покажале дека одредени хемикалии што се наоѓаат во некои продукти можат да имаат исто влијание врз мозокот како никотинот или алкохолот.

Зависноста од храна не значи желба да изедете многу, туку нездрава желба за точно одредена храна што прави да се чувствувате добро.

Зависноста настанува кога личноста повеќе не може да контролира колку ќе изедe, кога храната ѝ ги попречува сите активности и кога недостатокот од таа храна ѝ предизвикува анксиозност или депресија.

Напишете коментар

Вашата адреса за е-пошта нема да биде објавена.

11 Трикови со кои ќе трошите помалку и конечно ќе заштедите некој денар

20 Провокативни илустрации што ќе ве натераат да размислувате