во , ,

25 Бонтон навики по кои ќе ја препознаете вистинската дама

Од говорот на телото и односот со другите до начинот на облекување и однесување во ресторан, по што се истакнуваат вистинските дами?

Вистинските дами се истакнуваат по својата култура. Тие се пример за одмереност и за правење на работите на вистинскот начин.

Карактеристики по кои вистинската дама се издвојува од другите:

Облека

– Не си ја мести облеката во јавност – не ги подместува прерамките на градникот, ниту го влече здолништето.

– Носи облека која го има нејзиниот број, ниту поголема, ниту помала.

– Не ѝ се гледа долната облека, носи гаќички без рабови.

– Не заборава да ги извади ознаките од чевлите по купувањето.

На маса

– Знае дека ако има салфетка од текстил на масата треба да ја стави во скутот.

– Ако треба да стане од масата, се извинува и ја остава салфетката лево од нејзината чинија, а не на столот.

– Нема да ја крене салфетката ако ѝ падне на подот, туку ќе го замоли келнерот да ѝ донесе нова.

– Не ја брише устата со салфетката, туку нежно ги допира краевите од усните.

– Не користи чепкалка за заби на масата и не го освежува карминот, тоалетот е местото за тоа.

Очила за сонце

– Иако некои модни дизајнери не се согласни околу ова, експертите за бонтон велат дека вистинската дама не ги става очилата на глава.

– Ги симнува очилата за сонце кога влегува во соба, а исто така и надвор кога е облачно или стемнето.

– Кога ќе сретне познаник за улица прво што прави е ги вади очилата за сонце.

– Ако одлучи да ги остави очилата за сонце на очи, прво ќе го праша соговорникот дали му пречи.

Начин на изразување

– Во нејзиниот речник нема вулгарности и жаргон.

– Дури и кога сака нешто да искритикува не користи остри зборови, туку го карактеризира како „несоодветно“ на пример.

– Внимава не само што кажува, туку и како го кажува тоа, од тон до брзина на говорење.

– Не поставува непријатни прашања од типот: „Колку заработуваш?“ или „Кога планираш да се мажиш“.

– Во деловниот свет избегнува теми како политика, религија и детали од приватноста.

Говор на тело

– Знае дека ние зборуваме дури и кога не отвораме уста, односно говорат нашите гестови, поза, фацијална експресија, исто така и шминката и облеката.

– Не потонува во столчето, туку седи исправено и внимава на позата.

– Секогаш го држи грбот исправен, знае дека тоа оддава важна информација за самодовербата.

– Знае како да изгледа убаво и елегантно кога седи и знае дека колената треба да бидат допрени едно до друго.

Однесување

– Таа умее да ги контролира емоциите и културна е со персоналот во рестораните, хотелите, продавниците, такси возачите итн.

– Знае како да ја задржи насмевката на лицето, дури и кога работите не ѝ одат од рака.

– Поплаките од партнерот ќе му ги каже нему, а нема да оди и да се жали наоколу.

Напишете коментар

Вашата адреса за е-пошта нема да биде објавена.

9 Работи од кои луѓето треба да се одвикнат и засекогаш да исчезнат

15 видови соседи што им се познати на сите кои живеат во зграда