во ,

11 Грешки во невербалната комуникација поради кои оставате лош впечаток

Кога првпат запознавате некој, немате многу време да оставите позитивен впечаток. А, бидејќи немате ни време за зборување, невербалната комуникација има важна улога.

Проблемот е што неретко не сме ни свесни за грешките што ги правиме при невербална комуникација, па не сакајќи оставаме погрешен впечаток.

Затоа, погледнете кои се најчестите грешки на кои треба да обрнете внимание:

„Пукање“ прсти

Науката веќе докажа дека оваа навика не е штетна за нас, но многу луѓе не можат да ја поднесат.

Ако имате навика да ги „пукате“ прстите, обидете се да ја контролирате кога разговарате со некој.

Играње со косата

Според некои психолози, играњето со косата може да биде и знак за флертување, но воглавно е одбивна навика.

Веројатно и вие не сакате да гледате како некој си ја џвака косата додека сте во ресторан или кафетерија.

Непочитување на туѓиот личен простор

Можеби вам не ви пречи ако соговорникот стои премногу блиску до вас, но некои луѓе не сакаат кога некој им го нарушува личниот простор.

Кога разговарате со некој, без разлика дали странец или познаник, држете растојание и избегнувајте го физичкиот контакт.

Претерано гестикулирање со рацете

Според експертите за говор на телото, претераното гестикулирање може да изгледа нападно за вашиот соговорник.

Кога разговарате со некого, внимавајте на движењето на рацете.

Невнимание

Воопшто не изгледа добро кога некој ви зборува а вие гледате низ прозорецот, си го проверувате телефонот или на кој било начин покажувате невнимание.

Без разлика со кого разговарате, посветете му го целото ваше внимание.

Интензивно гледање во очи, или целосно избегнување на погледот

Ако интензивно го гледате соговорникот во очи, тој сигурно ќе се почувствува непријатно. Ова може да ве направи да изгледате нападно и агресивно.

Од друга страна, не е во ред и ако целосно го избегнувате погледот на соговорникот. На овој начин изгледате како личност без самодоверба, или како личност која крие нешто.

Според експертите за говор на телото, ако ви е непријатно да го гледате соговорникот во очи, фокусирајте се на пределот меѓу очите.

Јадење за време на телефонски разговор

Ова е една од најлошите навики. Замислете си како би било вие да зборувате некому по телефон, а тој да џвака – сигурно ќе го слушнете тоа и ќе се почувствувате непријатно.

Додека разговарате по телефон, држете се понастрана од грицки и храна.

Непокажување емоции

Не е во ред и да не покажувате никакви емоции додека разговарате. Изразите на лицето се важен дел од невербалната комуникација, па ако не реагирате на ништо, вашиот соговорник сигурно ќе се почувствува непријатно и нема да знае како да продолжи со разговорот.

Тропање со прстите

Оваа навика најчесто укажува на нетрпеливост. Па, ако тропате со прстите додека некој ви зборува, соговорникот ќе помисли дека едвај чекате да заврши разговорот.

Ова ќе му покаже дека не го почитувате и сигурно ќе оставите лош впечаток.

Поправање на шминката

Навистина е неучтиво да си ја поправате шминката додека некој се обидува да зборува со вас. Со ова однесување јасно му покажувате дека воопшто не сте заинтересирани за разговорот.

Нервозно движење

Ако за време на разговор постојано мрдате со рацете и нозете, соговорникот ќе си помисли дека не сте заинтересирани.

Според експертите за говор на телото, ова однесување е уште знак за нетрпеливост и му покажува на соговорникот дека ви е досадно.

Напишете коментар

Вашата адреса за е-пошта нема да биде објавена.

Јавете им се ако нешто ви се расипе: 16 Kреативни идеи со причина станале вистински хит на интернет

10 Илустрации ги прикажуваат проблемите од минатото што повеќе не постојат