Маж од Кина стана популарен на социјалните мрежи поради својата сличност со Илон Маск.
На ТикТок се појави видео на кое се гледа како маж излегува од автомобил и гледа кон камерата, а неговата неверојатна сличност со Маск е очигледна.
Многумина се шегуваат дека во Кина постои реплика на сè на кое можете да се сетите, а сега дури и Илон Маск доби свој „кинески клон“.
Произведувачот на електричните автомобили „Tesla“ и извршен директор на компанијата „SpaceX“, неодамна беше прогласен од страна на магазинот „Time“ за личност на годината за 2021 година.
„Ова е човек кој тежнее да ја спаси нашата планета и да нѝ создаде нова која ќе можеме да ја населиме. Тој е гениј и визионер“, наведуваат од „Time“.
