во ,

Како изгледаат модерните невести кај нас, а како во државите ширум светот?

Секоја држава и секој народ си има свои свадбени традиции, но повеќето модерни невести не сакаат да се придржуваат до сите правила од минатото. Сепак, во речиси секоја држава, и модерните свадби си имаат барем една карактеристика што ги издвојува од другите.

Иако денес речиси сите невести одбираат венчаници според нивниот вкус, повеќето ги негуваат и традициите кои останале од предците.

Погледнете како изгледаат денес невестите кај нас, но и од разни држави ширум светот:

Македонија

Најчесто кај нас невестите носат бели венчаници со широко или тесно здолниште. Неретко, корсетот на фустанот е украсен со везови или камчиња, а многу жени носат и вел. Но, македонските невести не се плашат да експериментираат со изгледот и доста често гледаме малку поразлични и уникатни венчаници.

Фризурите и шминката се важен дел од изгледот на нашите невести, и повеќето ја носат косата целосно или делумно собрана.

Либан

Невестите во Либан најчесто одбираат многу долги венчаници кои се влечат по подот и изгледаат волшебно.

Здолништето на венчаниците е украсено со скапоцени камења, корсетот има рачно направени везови, а накитот, кој вклучува обетки, ланче и тијара, неретко е украсен со дијаманти. Невестите од Либан имаат и вел долг неколку метри.

Турција

Во Турција, невестите носат венчаница која наликува на балски фустан и која е украсена со разни везови. Слично како кај жените од Либан, и тие носат накит со скапоцени камења, а особено внимание обрнуваат на шминката на очите.

Иако најпопуларни се белите венчаници, некои жени одбираат и фустан со друга боја.

Индија

Индиските венчавки се навистина шарени – невестата обично носи традиционално сари, украсено со златни везови и скапоцени камења. Пред свадбата, дланките и стапалата на невестата се украсуваат со кана.

Невестите од Индија се препознатливи и по накитот – тие носат огромни ѓердани и обетки, а неретко имаат и пирс на носот. Обично и гостите ја следат традицијата, па и тие носат облека со светли бои.

Шведска

Во Шведска не им е важен луксузот, па повеќето невести одбираат минималистички и едноставни венчаници. Жените не сакаат ни комплицирани фризури, па најчесто косата им е брановидна и ја украсуваат со цветови.

И самите прослави во Шведска се скромни, а некогаш гостите не носат подароци, туку сами си плаќаат за оброкот.

Јапонија

Јапонските невести кои ја следат традицијата ја менуваат облеката трипати. Прво носат кимоно, најчесто бело, украсено со златни везови. Потоа носат друго кимоно со пошарени дезени, а на крај носат „обична“ венчаница по нивен избор.

Интересен додаток на јапонските невести е лепеза или чадор, кои се украсени со цртежи, како и чешел што им стои во косата.

Нигерија

Во Нигерија, момчето и невестата обично носат слична облека – или носат облека со иста боја, или облека која има слични детали.

Облеката на невестата се состои од повеќе парчиња, како блуза, здолниште, турбан и проѕирен вел. Слично како во Јапонија, и овде постои традиција невестата да ја промени облеката барем двапати.

Франција

Французинките го негуваат природниот изглед, па обично одбираат минималистички венчаници и не нанесуваат многу шминка.

Најчесто тие сакаат едноставни фустани од квалитетен материјал, со многу малку украси и детали. Минимализмот важи и за нивните фризури и најчесто косата им е пуштена или собрана во ниска пунџа.

Напишете коментар

Вашата адреса за е-пошта нема да биде објавена.

7 Трикови за да изгледате подобро на Инстаграм фотките

10 Детали од германскиот живот што поставуваат само едно прашање: „Зошто така?“