Имајте на ум дека она што го кажуваат тие можеби важи само за нив или авиокомпанијата во којашто работат, а не за сите.

Дел од најзабавните тајни во продолжение:

„Работев во британска авиокомпанија. Тогаш беше сосема нормално ако некој почине за време на летот, да го оставиме на седиштето. Му стававме ќебиња за да изгледа како да спие. Сето ова за да не ги исплашиме другите патници“.

„Една пријателка работеше за популарна авиокомпанија и ми кажа дека секојпат кога слетувале во Саудиска Арабија, морале да ја заклучат целата храна. Го правеле ова бидејќи во минатото властите од Саудиска Арабија си влегувале во авионите и си земале буквално сè што ќе посакаат, а стјуардесите не можеле да направат ништо“.

„Имаме листа со имињата и бројот на седиште на сите патници. Кога ми е здодевно, ги пребарувам патниците на Гугл“.

„Во големите авиони има кревети над патничката кабина каде што ние стјуардесите можеме да спиеме на долги летови“.

„Кога стјуардесите ве поздравуваат додека влегувате во авионот, прават две работи – гледаат дали сте трезни и проверуваат дали сте силни/со мускули за во итен случај да можат да ви побараат помош (како кревање нешто тешко, отворање на вратата за итни случаи и слично)“.

„Ние стјуардесите постојано си зборуваме за време на летот, па ако некој е некултурен со еден од нас, сите знаеме кој е и каде седи“.

„СЕКОГАШ чистете ја масичката на седиштето. Ние никогаш не ги чистиме или дезинфицираме помеѓу летови. Исто така, хигиеничарките само набрзина поминуваат со правосмукалка, па не му дозволувајте на детето да се валка на земјата“.

„На патниците можеби не им се допаѓа храната во авионот, но сигурно е подобра од она што го добиваме ние стјуардесите – ништо. На интернационалните летови, пилотите добиваат храна, но во мојата авиокомпанија стјуардесите треба самите да си донесат храна или да гладуваат над 14 часа“.

„Стјуардесите знаат сè. Знаат кој пробува да пуши електронска цигара, знаат кој бил во тоалетот и знаат кој си ги соблекол панталоните за време на лет. Знаеме и колку пијачки сте испиле и имаме тактики за да не испиете премногу. И, за жал, многупати сме виделе луѓе кои пробувале да гледаат порно за време на летот“.

„Секојпат возрасните прават најмногу проблеми кога ќе им речеме да го стават безбедносниот појас. Многу се полоши од кое било дете“.

„Работам како стјуардеса веќе две години и неколкупати имам видено како некој уринира во тоалетот надвор од тоалетната школка. Па, навистина е одвратно кога ќе видам како некој влегува во тоалетот бос или само со чорапи“.

„Многумина сакаат да бидат стјуардеси мислејќи дека ќе го истражат светот. Но, во реалноста остануваме на едно место 10-14 часа, а ова е едвај доволно време да стигнеме до хотелот, да се истушираме, да јадеме нешто и да преспиеме. Некогаш имаме и повеќе време за шетање, но тоа не се случува постојано“.

„Јас сум пилот. Неретко работам по 14 часа без пауза за ручек, па некогаш кога е одложен летот, причината може да биде затоа што сум отишол да земам храна на брзина. По правило, имам пауза попладне, но тој период треба да се префрлам од еден авион на друг, на потполно друг терминал, па ја губам целата пауза и немам време“.

„За луѓето кои не носат чевли во тоалетот – течноста на подот дефинитивно не е вода“.

Со животните делиме многу од нашите „човечки“ особини, што само потврдува дека и не сме толку уникатни.

Во продолжение погледнете ги фактите што ќе ви докажат дека во животните има многу повеќе „човечност“ отколку што мислиме:

Слоновите со денови жалат за своите сакани

Според истражувањата, слоновите се изложени на интензивен стрес кога ќе изгубат некој сакан. Всушност, некои од нив можат да жалат за смртта на друг слон и неколку месеци.

Било забележано и дека ако слоновите отидат на местото каде што умрел слон што им бил „близок“, му оддавале еден вид почит. Односно, стоеле тивко и мирно на местото неколку минути.

Наводно, шимпанзата чувствуваат емпатија

Во некои истражувања, шимпанзата покажале знаци на емпатија. Наводно, тие можат да ги почувствуваат и разберат туѓите емоции.

Исто како и кај луѓето, се покажало дека нивото на емпатија било различно кај секое шимпанзо.

Едно истражување забележало и дека шимпанзата импулсивно ги тешат другите од својот вид после пресметка.

Глувците покажуваат изрази со лицето

Според едно истражување, глувците ги искажуваат нивните емоции слично како и луѓето. Наводно, кога чувствувале болка, покажувале неколку различни изрази на лицето.

Истовремено, се покажало дека глувците можат да ја согледаат болката кај другите од нивниот вид и можат да си ги „прочитаат“ емоциите.

Делфините веројатно зборуваат во сон

Во францускиот воден пар Planete Sauvage биле направени неколку снимки на кои се гледа како делфините имитираат звуци од кит додека спијат.

Според француските истражувачи, делфините можеле да ги слушнат овие звуци само во текот на денот. Навечер, пак, веројатно ги имитирале, како еден вид зборување во сонот.

Гулабите можат да се однесуваат нерационално

Според едно истражување, гулабите веројатно сакаат да се коцкаат и понекогаш, свесно или несвесно, ја одбираат поризичната опција.

Се покажало дека понекогаш, овие птици го одбираат потешкиот пат за да ја добијат понудената награда. Според научниците, ова однесување е многу слично на човечкото.

Мачките можат да се здебелат ако се депресивни

Депресијата кај животните не е ништо ново, но малку се знае за нејзиното влијание.

Изгледа дека мачките можат да се здебелат од стрес, анксиозност или ако се несреќни. Односно, драстичната промена во масата на животното може да е поврзана со неговата емоционална состојба.

Веќе знаеме дека истото им се случува и на луѓето.

Мајмуните тамарин многу сакаат да „разговараат“

Според едно истражување, мајмуните имаат комплексен систем за комуникација што го сочинуваат разни крици и звуци. Истовремено, тие се можеби и единствените животни кои можат да шепотат исто како луѓето.

Меѓу другото, истражувањето покажало дека тамарин мајмуните многу сакаат да комуницираат едни со други.

Глувците можат да научат да возат автомобил

Група истражувачи научиле глувци како да возат автомобили, односно како да управуваат со волан и да го контролираат процесот на движење за да добијат награда.

Ова значи дека глувците се способни за многу покомплексни задачи отколку што мислиме.

И кравите страдаат од променливо расположение

Научниците заклучиле дека однесувањето на кравите станува помалку предвидливо со возраста.

На пример, некои крави, некогаш веднаш почнувале со истражување ако се во нова околина, но некогаш не се ни помрднувале од место.

Ова значи дека и тие имаат променливо расположение.

Можно е кучињата да сакаат музика

Претпоставката дека кучињата сакаат музика не е нова. На интернет можете да најдете безброј видеа од кучиња кои „пеат“, па дури и се обидуваат да танцуваат покрај нивните сопственици.

Едно истражување веројатно го потврдило ова. Се покажало дека класичната музика ги релаксира кучињата, а реге и рок музиката го намалуваат нивото на стрес. Се претпоставува дека причината за ова е тоа што овие жанрови имаат сличен ритам како оној на кучешкото срце.

Мајмуните знаат да делат како луѓето

Приматолозите открија нови докази според кои мајмуните не само што соработуваат за да најдат храна, туку на крај и го делат она што го собрале.

Веројатно причината е заемната поддршка.

Мајмуните знаат да делат како луѓето

Приматолозите открија нови докази според кои мајмуните не само што соработуваат за да најдат храна, туку на крај и го делат она што го собрале.

Веројатно причината е заемната поддршка.

Минатиот месец, отецот Тим Пелц од католичката црква „St. Ambrose Parish“ во Детроит се обидел да пронајде начин како да одржи социјална дистанца за време на Светата недела среде пандемија на коронавирус. Вели дека размислувал како на децата да им го доближи искуството на Велигден и покрај карантинот, па дошол до идеја поради која стана хит на интернет.

Пелц направил полигон за верниците, кои со доволна оддалеченост ги благословил и нив и нивните велигденски корпи со пиштолче за вода, а дури и се консултирал со лекар од брза помош за да се увери дека нема да загрози никого.

https://www.facebook.com/stambroseparish/posts/2573859956164663

„Не само што е безбедно, туку е и забавно. И тој дојде со децата“, рекол еден свештеник за „BuzzFeed News“.

Иако фотографиите се објавени минатиот месец, дури неодамна станаа вирални благодарение на дискусијата на Твитер и битката со Фотошоп на Редит

A Priest giving social distance blessings with a squirt pistol and what, I'm assuming, is Holy water. 2020 folks. pic.twitter.com/iDnYs33hs9

— Jeff Barnaby (@tripgore) May 15, 2020

„Да немав маска на овие фотографии, веројатно би бил многу среќен. Но, совршено сум среќен што тука сум маскиран свештеник“, рекол Пелц.

Еве некои од најдобрите фотомонтажи.