во ,

9 Работи во домот што гостите веднаш ги забележуваат и не ги забораваат

Валкани, искинати домашни влечки, мачка која се качува на масата со храна, куп садови во мијалникот – постојат некои работи кои гостите дефинитивно ги забележуваат во вашиот дом и голема е веројатноста да ги прераскажат.

Канењето гости е одличен начин да си поразговарате со саканите луѓе во интимна атмосфера. Но во ваквите ситуации добро би бил да обрнете внимание на некои други ситници освен мезето и пијачките што ќе ги приготвите за гостите.

Всушност, добро би било секогаш да ги земате предвид овие нешта, не само кога имате гости. Сепак, чистиот и среден дом ќе направи да се чувствувате многу попријатно.

Работите во вашиот дом што гостите не ги забораваат:

Многу украси и сувенири кои само собираат прашина

Украси, сувенири, играчки, безброј фотографии – запрашајте се дали навистина ви требаат сите овие предмети и дали навистина имаат некаква вредност за вас. Сигурни сме дека за повеќето одговорот е „Не“.

Оставете го она што ви значи и слободно ослободете се од непотребните предмети кои само собираат прашина.

Мачка која се качува на масата со храна

Вам сигурно не ви пречи вашата мачка, но штом имате гости, мора да ги земете предвид нивните потеби. Многу луѓе, иако сакаат животни, не се чувствуваат пријатно ако знаат дека вашата мачка им ја душкала храната.

Ако имате непослушна мачка која се качува по маси, држете ја понастрана од просторијата со гости, особено ако им послужувате храна.

Куп валкани садови

На сите ни се случува да го прескокнеме миењето садови, но не дозволувајте во кујната да ви се собере цел куп.

Покрај тоа што изгледа лошо и гостите сигурно ќе забележат, валканите садови се дувло за бактерии, а ако ги оставите подолго време, подгответе се и за лебарки во домот.

Валкан тоалет

Дури и да живеете во најубавиот дом, дури и сè друго да ви е средено, валканиот тоалет ќе привлече најмногу внимание кај гостите.

Не заборавајте редовно да го чистите тоалетот, а кога имате гости, скријте ги личните продукти за хигиена.

Расфрлани обувки во ходникот

Ходникот е првото нешто што го здогледуваат гостите кога влегуваат во вашиот дом, па ако имате куп расфрлани обувки, јасно е каков впечаток ќе добијат.

Чевлите на кои не им е сезона ставете ги во кутии и тргнете ги настрана, а во ходникот добро би било да набавите ормарче или полица за чевли доколку немате.

Сушење долна облека среде собата со гости

Во студените месеци многу полесно е да ја сушите облеката во домот, но ако имате гости барем преместете ја сушарата во другата соба.

Никој нема да се чувствува пријатно покрај вашата изложена долна облека.

Песок за мачки во кујната

Денес лесно можете да најдете песок за мачки што ги неутрализира непријатните мириси, но за многу луѓе не е воопшто пријатно да јадат до тоалетот на вашето милениче.

Всушност, не е ни хигиенски да го чувате песокот во кујната каде што приготвувате храна.

Валкани и искинати домашни влечки

Пред да им понудите домашни влечки на гостите, обрнете внимание дали се валкани и искинати. Бидејќи, сигурно и вие не би облекле туѓи искинати влечки кои мирисаат лошо.

Гласно расправање со партнерот или семејството пред гостите

Никогаш немојте да се расправате со домашните пред гостите. Без разлика за каков проблем станува збор, почекајте гостите да си заминат, па разговарајте.

Само помислете како би се чувствувале вие ако домаќините почнат да викаат на цел глас додека сте кај нив на гости.

Напишете коментар

Вашата адреса за е-пошта нема да биде објавена. Задолжителните полиња се означени со *

12 Детали од секојдневието во другите држави што ќе им бидат чудни на Македонците

10 „Маки“ кои ги имаме со повозрасните за да научат како да ракуваат со паметен телефон